![يعني ايه الحد الادنى لإحتساب العائد على الحساب البنكي 1 الحد الادنى لاحتساب العائد على الحساب البنكي](https://net280.com/wp-content/uploads/2024/08/18-50x50.webp)
ما هي خطورة معرفة الرقم القومي وصورة بطاقتك للعامة ؟
بطاقة الرقم القومي هي اثبات هوية شخصية للمصريين، والرقم القومي هو رقم فريد لكل مواطن مصري ويتكون من 14 رقم، ويعد هذا الرقم هام للغاية لانه يعبر عن كيان الشخص وكل ما يتعلق به من إجراءات حكومية ومعاملات مالية وبنكية واجتماعية، ومعرفة هذا الرقم للعامة قد ينتج عنه بعض الاضرار، ولكن ليس كل هذه الاضرار جسيمة.. لذا وجب علينا توضيح الامور بشكل مفصل.
خطورة معرفة الرقم القومي وصورة بطاقتك للعامة
اولا الذي لايمكن حدوثة بمعرفة الرقم القومي او وقوع صورة بطاقتك في ايدي احد غيرك؟
سوف اناقش الموضوع باللهجة العامية لكي نستطيع توصيل المعلومة اكثر لجميع مستويات القراء.
ما ينفعش حد يبيعك بيتك او سيارتك بمعرفته للرقم القومي الخاص بيك او بامتلاكة صورة بطاقتك او بطاقتك نفسها
لان دا ما بيتمش غير من خلال التوقيع والامضاء. ومع ذلك في مشاكل ممكن تحصل.
ماهي المشاكل التي تحدث بصورة بطاقتك ؟
اولا: ممكن تلاقي نفسك منضم لحزب متعرفش عنه حاجه بصورة بطاقتك .. القائمين على الحزب قامو بضم للحزب عن طريق صورة بطاقتك.
ثانيا: ممكن حد يستخرج شريحة او يطلع رقم هاتف بصورة بطاقتك ودا طبعا مخالف وتقصير من موظف الشركة ولازم يتعاقب قانونيا على كدا
مش مجرد عقاب من الشركة بخصم او جزا وما شابه ذلك.. والحالات دي قليلة ونادرة بس بتحصل.
ودا غالبا اللي بستخدمه العيال بتوع سرقة بيانات الكروت البنكية لما تلاقيه يتصل على الناس او يبعتلهم رسايل بانه تم ايقاف الحساب البنكي ويطلب منه بيانات الفيزا.
ثالثا: المشكلة الثالثه انه لو عارف بياناتك زي اسمك وعنوانك بالاضافة لرقمك القومي انه يقدر يطلع على تفاصيل حسابك البنكي من خلال خدمة العملاء .. لان موظف خدمة العملاء بيسأل عن الاسم والعنوان والرقم القومي وتاريخ الميلاد وتاريخ الميلاد طبعا بيقي مضمن في الرقم القومي
لكن ما يقدر يعمل اي معاملات زي سحب رصيد من حسابك.
عقوبة استخدام بطاقة الرقم القومى للغير وفقا للقانون
في حالة ان في حد معاه صورة بطاقتك وحاول يتعامل بيها في اي حاجه فهو كدا هيتحاكم ويعاقب بالحبس بموجب القانون، تنص المادة 73، على أنه يعاقب بالحبس الذي لا تقل مدته عن سنة وبغرامة لا تقل عن 500 جنيه ولا تزيد على 1000 جنيه أو بإحدى هاتين العقوبتين كل من استعمل بطاقة الغير أو مكنه من استعمال بطاقته بالتواطؤ معه.
ازاي اعرف معلومات عن شخص بالرقم القومي؟
![يي-553x360 ما هي خطورة معرفة الرقم القومي وصورة بطاقتك للعامة ؟](https://net280.com/wp-content/uploads/2023/09/يي-553x360.webp)
اول رقم من اليسار دا مواليد القرن
رقم 1 من مواليد القرن التاسع عشر 1800 حتى سنة 1899
رقم 2 من مواليد القرن العشرين 1900 حتى سنة 1999
رقم 3 من مواليد القرن الواحد والعشرين سنة 2000 وما بعدها
تاني رقمين دي سنة الميلاد وبعدها شهر الميلاد وبعدها يوم الميلاد
والرقمين اللي بعد تاريخ الميلاد بيرموز للمحافظة اللي اتولد فيها
واخر حاجه هو الرقم قبل الاخير لو رقم فردي يبقى ذكر ولو رقم زوجي يبقى انثى
![Screenshot_4-295x360 ما هي خطورة معرفة الرقم القومي وصورة بطاقتك للعامة ؟](https://net280.com/wp-content/uploads/2023/09/Screenshot_4-295x360.webp)
ماذا افعل في حالة فقد بطاقة الرقم القومي او البطاقة الشخصية ؟
تعمل ايه لو فقدت بطاقة الرقم القومي عشان تأمن نفسك قانونيا لربما يحصل بيها اي حاجة، وابسط الاشياء هو ارتكاب جريمة معينة ويسيب بطاقتك في مكان الجريمة وبكدا هتكون انت اتورطت في جريمة ما عملتهاش
اولا: هتتوجة لقسم الشرطة او مركز شرطة محل اقامتك او اقرب قسم وتعمل محضر بفقدان البطاقة او بيسمى بمذكرة فقد .. مش لازم في نفس اليوم ممكن تاني يوم بس هيكون البلاغ بالوقت والتاريخ ، وتاخد صورة من مذكرة الفقد تمشي بيها لحين استخراج بدل فاقد وكمان هتحتاجها في استخراج بدل فاقد.
ثانيا: هتعمل بدل فاقد والافضل انك تعمله مستعمل ودا بياخد تقريبا 24 ساعة فقط. والافضل استخراج البطاقة مستعجل لان في امور معينة لايتم التعامل فيها بغير بطاقة الرقم القومي
زي التعامل مع المصالح الحكومية و الزواج والطلاق تسجيل المواليد ترخيص السيارة
او رخصة القيادة او جواز السفر او القيد باي نقابة مهنية او دخول الفنادق او التعامل مع البنوك ، استخراج شرائح التليفون او استبدالها.
وممكن ميكونش جواز السفر بديل لبطاقة الرقم القومي.
غرامة البطاقة الشخصية 2023
يجب معرفة ان صلاحية البطاقة بتبقى 7 سنوات من تاريخ استخراجها.
غرامة التاخير في استخراج البطاقة او تجديدها او تحديث البطاقة
بمجرد وصولك لسن 15 سنه وجب عليك استخراج بطاقة رقم قومي
ولو سنك وصل 15 و 3 شهور بتدفع غرامة 100ج
غرامة تأخير تجديد البطاقة بعد انتهاء صلاحيتها ب 3 شهور فالغرامة هي 50 جنية
غرامة تأخير تحديث بطاقة الرقم القومي زي تغيير محل الاقامة او المهنه او الزواج او الطلاق او الحصول على مؤهل علمي جديد
ولازم تعدل بياناتك خلال 3 شهور ولو تجاوزت المدة دي بتدفع غرامة 50 جنية
غرامة عدم استخراج بدل فاقد خلال 14 يوم بتدفع غرامة 50 جنية
غرامة التعامل مع المصالح الحكومية ببطاقة منتهية الصلاحية هي 100 جنية ولا يجوز اصلا التعامل ببطاقة منتهية
في الحقيقة انا مش فاهم ازاي بالضبط نقطة ازاي هيبقى في غرامة وهو اصلا مش متعرف بيها وهيا منتهيه
وقيمة الغرامة دي مش ثابتة اكيد بتتغير كل فترة.
الحالات المعفيه من الغرامات هم الاشخاص المسنين وذوي الاحتياجات الخاصة.
تحويل فودافون كاش من السعودية لمصر
فتح حساب بنكي في بنك مصر مجانا بدون مصاريف أو حد أدنى
بكام خط فودافون اليوم – سعر خط فودافون الان 2023