هنتكلم عن شروط فتح حساب دولاري في البنك الاهلي مع استخراج فيزا دولارية تسدد بيها كل مدفوعاتك الدولية بعملة الدولار وكونك تفتح حساب دولاري في البنك الاهلى دي حاجة مش جديدة
لكن الجديد بقى هو ان بقى في فيزا دولارية بتطلع مع الحساب الدولاري.
والبنك الاهلي مش اول بنك ياخد الخطوة دي ويعمل كدا
فتح حساب دولاري في البنك الاهلي
مع ان تقريبا مفيش في مصر ماكينات صراف الي بعملة الدولار او نادرة جدا .. الى ان بقى في فيزا دولارية نقدر نستخدمها اونلاين مع الحساب الدولاري في البنك الاهلي المصري
سواء هنشتري بيها او هنسحب عليها فلوسنا من باي بال بالدولار وموضوع السحب من باي بال على فيزا البنك الاهلى الدولارية لسه معلومة مش اكيده وقيد التجربة.
ماهي شروط فتح حساب دولاري في البنك الاهلي
الحد الادنى لفتح الحساب هو 100 دولار امركي
متاح فتح الحساب للمصرين بالبطاقة الشخصية
ولغير المصريين بجواز السفر
وللاعمار تحت 18 سنة بالوصاية او تحت ولاية احد الابوين
شاهد ايضا:
كل ما تود معرفته عن فيزا جولد بنك مصر الكريدت كارد الذهبية
ما هو الفرق بين الكريدت كارد والديبت كارد؟
هل مطلوب اثبات دخل عند فتح حساب دولار البنك الاهلي ؟
معلومة مش اكيد وهتختلف من فرع للتاني
طيب لو طلب اثبات دخل هتقدم ايه ؟
لو انت موظف هتجيب مفردات مرتب من المكان اللي انت شغال فيه ولو مش موظف هتجيب
كشف حساب بنكي حديث لو عندك حساب بنكي في بنك تاني
او شهادة اثبات دخل بتعملها عند محاسب قانوني مقيد بالنقابة
ودي شهادة بتعادل مفردات المرتب بتاع الموظفين
ماهو الحد الادنى لفتح حساب دولاري في البنك الاهلي
الحد الادني لفتح الحساب 100 دولار وكذلك الحد الادنى لاحتساب العائد هو 100 دولار
لو رصيدك قل عن 100 دولار بتدفع غرامة حد ادني تقريبا 10ج لكن بيتخصم ما يعادلهم بالدولار
كيفية استخراج فيزا دولارية من البنك الاهلي
بتطلب الفيزا الدولارية بلاتنيوم البنك الاهلي مع حساب التوفير الدولاري في البنك الاهلي، ولابد ان تقدم طلب لها، لان مش بالضرورة موظف البنك يطلبهالك تلقائي فانت تأكد عليه وقدم طلب ليها.
هل فيزا بلاتنيوم الدولارية او فيزا بلاتينم الدولارية مقبوله في باي بال؟
لو ناوي تربطها بالباي بال تتأكد انك بتطلب الكارت من نوع فيزا مش ماستر كادر لان النوع ده اللي بيتربط مع باي بال .. دا طبعا لو البنك الاهلى طلع بيدعم التعامل مع باي بال
فانت تبقى عامل حسابك
ماهي رسوم ومصاريف استخراج فيزا بلاتينم الدولارية البنك الاهلي
مصاريف استخراج الفيزا الدولارية 10 دولار
مصاريف تجديد الفيزا السنوية 10 دولار
صلاحية الفيزا 5 سنوات
حدود الفيزا 10 الاف دولار يوميا بحد اقصي 50 الف دولار شهريا
امور هامه يجب اخذها الاهتمام بها عند فتح حساب دولاري في البنك الاهلي
وانت بتفتح الحساب تطلب من الموظف تفعيل خدمة الانترنت البنكي عشان تتابع ارصدة ونشاط حسابك
اهم الاسئلة بخصوص الحساب الدولاري في البنك الاهلي المصري
طيب ناجي للجزء الخاص بالاسئلة بتاع حضراتكم
السؤال الاول
هل لازم افتح حساب بالجنية عشان اقدر افتح حساب دولاري ؟
لا مش شرط – تقدر تفتح حساب دولاري فقط
السؤال التاني
هل لازم اعمل ايداع بالدولار ولا اخد معايا فلوس مصري والبنك يحولهم لدولار
لا مش هينفع لازم تاخد معاك عملة الدولار
السؤال التالت
هل ينفع اسحب ال100 دولار دول تاني بعد ما افتح الحساب
ينفع اه
بس طبعا وقتها مش هتكون 100 دولار لان اتخصم منها مصاريف فتح الحساب واتخصم منها رسوم استخراج الفيزا لو طلبت فيزا
وهيحسب عليك غرامة حد ادني بمعدل تقريبا 10 جنية كل شهر.
السؤال الرابع
هل الحساب ده اقدر استلم عليه فلوس اليوتيوب وارباح جوجل ادسنس عموما
ايوه مفيش مشكلة
السؤال الخامس
هل اقدر اربط الحساب ده مع بايونير واستلم عليه مدفوعات من بايونير بالدولار
ايوه مفيش مشكلة
السؤال السادس
هل اقدر اربط الحساب ده بالباي بال واستلم عليه مدفوعات من باي بال بالدولار
لا مش هينفع الحساب نفسه يتربط بالباي بال ولا اي حساب بنكي محلي ينفع يتربط بالباي بال .
لكن ممكن الفيزا الدولارية اللي طالعة مع الحساب تتربط مع الباي بال وتقبل السحب من باي بال وزي ما قولنا لسه المعلومة مش مؤكده وجاري التجربة.
السؤال السابع
هسحب فلوسي ازاي من الحساب ده ؟
هتسحبها عن طريق اي فرع من فروع البنك الاهلي بالبطاقة الشخصية بتاعتك وامضتك.
السؤال الثامن
عندي حساب دولاري بقالة سنتين ما استخدمته؟ هل ممكن يكون لسه شغال ولا اتقفل؟
لو حساب جاري هيكون خلاص اتقفل
ولو حساب توفير ومعلهوش نشاط اقل من سنتين هتلاقيه راكد ومحتاج يتنشط ويتنشط بانك تعمل زيارة لفرع البنك وتعمل فيه اي عملية ايداع.
