أفضل حساب بنكي تستلم عليه أرباح أدسنس ويوتيوب – حساب ابدأ من بنك الإسكندرية
هشارك معاكم تجربتي الشخصية بخصوص أفضل حساب بنكي تستلم عليه أرباح أدسنس سواء كنت عندك قناة على يوتيوب، موقع إلكتروني، أو حتى تطبيق.
مش بس كده، كمان تقدر تستلم عليه فلوس من باي بال مباشرة على الحساب البنكي، مش على الفيزا.
✅ الحساب هو: حساب توفير “ابدأ” من بنك الإسكندرية
وده بناءً على تجربتي الشخصية + المعلومات الرسمية من صفحة البنك.
🏦 مميزات حساب “ابدأ” من بنك الإسكندرية
1. حساب توفير بالجنيه المصري
- بيتفتح بالبطاقة الشخصية فقط
- مش محتاج إثبات دخل أو مفردات مرتب
- مش محتاج فاتورة مرافق أو أي أوراق تانية
2. سهولة فتح الحساب
تروح البنك وتقول: “عايز أفتح حساب توفير ابدأ بالجنيه المصري”، وتكون معاك البطاقة وخلاص.
3. الحد الأدنى لفتح الحساب
250 جنيه فقط (أو 300 تقريبًا حسب الفرع)
4. بدون مصاريف دولارية
- مفيش مصاريف شهرية أو ربع سنوية على الحساب
- لكن هل ده على طول؟ بعض موظفي البنك قالوا أول سنة فقط، والبعض قال بدون مصاريف نهائيًا… وعلى موقع البنك مش مذكور أي حاجة عن أول سنة.
5. التحقق من أدسنس بسرعة
رسالة التحقق من جوجل أدسنس بتوصلك على الحساب خلال يوم أو يومين بالكثير.
6. ممكن تفتح الحساب بالدولار
- لو سنك فوق 21 سنة
- بدون حد أدنى – تقدر تبدأ حتى بـ 20 دولار
7. الحد الأقصى لرصيد الحساب
- 750 ألف جنيه مصري
- الحد الأقصى للسحب اليومي: 60 ألف جنيه
- والحد الشهري: 200 ألف جنيه
8. رسوم استلام أرباح أدسنس
سابقًا، بنك الإسكندرية مكانش بياخد رسوم على دفعات أدسنس باستخدام سويفت كود ALEXEGCX
هل لسه الوضع كده؟ مش متأكد، لأني لسه فاتح الحساب جديد ولسه ما استلمتش عليه دفعات.
فياريت اللي بيستلموا يكتبوا في التعليقات ويأكدوا.
💡 خلاصة
لو الحساب ده مناسب لطبيعة شغلك، توكل على الله. يكفي إنه سهل، سريع، ومفيش عليه مصاريف دورية مزعجة.
